Nuru işıq saçan gülüm,

Gözlərindi o Göygölüm.

Sevincimi sənlə bölüm,

Kədərimlə yaşayıram.

Sağalmayır köhnə yaram,

Min bir əzab daşıyıram.

İnan,gülüm,bu dərdimi

Daşımaqçın yaşayıram.

Arzulardır bəndə düşən,

Yuxularda gah görüşən,

Xəyal kimi nağıllaşan

Dünənimi yaşayıram.

Min həvəslə bitirdiyim,

Boya-başa yetirdiyim,

Bircə anda itirdiyim

Günlərimi yaşayıram.

Gec tapdığım nazlı Nübar

Bir tər çiçək, bir yadigar...

Görmədiyin nübarını

Yaşatmaqçın yaşayıram.

                                        1992.