Şəlalə - dağlar qızı,

Sevənlərin min nazı,

Çılğınlığın adında

Həyatın qayalarda

Zərrəsi işıq səpən,

Küləklər öpən ləpən,

Suların zümzüməsi.

Nur çiləyən incisi,

Təbiət möcüzəsi.

Şəlalə - ellər qızı,

Ömrün çiçəkli yazı.

Fədakarlıq adında,

Gözəlliyi qanında

Gözləri atəş səpən

Sözlərindən dürr tökən,

Sevənlərin nəğməsi.

Qızların ən incəsi,

Bəşərin möcüzəsi...

Qayalardan uçursan,

Sanki qanad açırsan.

Sevginə qurban gedib

Göylərə ucalırsan,

Eşqə zəfər çalırsan.

Şəlalə - dağlar qızı,

Ömrün çiçəkli yazı.

Şəlalə - dan ulduzu,

Elin alagöz qızı!