Bir oğluma gözmü dəydi

Arzuları közərmədi?!

Ruhu qonmuş varlığısa

Mələk kimi çox gözəldi.

Ulu dərdin şah qübarı,

Qismət etdi gül Nigarı.

Aman allah, özün qoru,

Bu təbərrik yadigarı.

Bənövşənin tər ləçəyi,

Nəvələrin ən göyçəyi.

Nigar allah dərgahında

Hökm-zaman gerçəkliyi.

Nigar demə - bir möcüzə,

Şirinliyi gəlməz sözə.

Incə gülüş, nazlı baxış,

Hakim olub qəlbimizə.

Ürəyimdə oğul dağı,

Nigar onun son yarpağı.

Zümrüd kimi daim yaşıl

Başım üstə zəfər tağı.

Sevinc-kədər çalarıdır,

Başımın cah-calalıdır,

Sönməz yurdun işıqları

Nigar onun çırağıdır!