Hər yaşın öz arzusu, hər
arzunun sevinci,
Arzular həyat kimi həm
şirin, həm keçici
Körpəlikdən başlanır
insanda bu duyğular,
Onlara çatan kimi dönüb
olur qayğılar.
Həkimlik istəyilə Kamal
gəldi sənətə,
Zirvələri aşaraq çatdı
böyük şöhrətə.
Dünyanın çox yerində o,
seçilib sayıldı,
Neçə ümidsiz xəstə, şəfa
tapıb ayıldı.
Müqəddəs insanların
ağsaqqallıq sözüylə
Qurdu gözəl bir ailə,
qəlbinin arzusiylə.
Ailə böyük bir sevinc,
körpə onun zirvəsi,
Tahirə xanım verdi Kamala
ilk töhvəsin.
Dünya üzünə güldü, Nigar
həyata gəldi,
Bəxtinin ilk ulduzu
körpəsində göyərdi.
O, naşükür deyildi, baxıb
elin dəbinə,
Oğul görmək diləyin
bildirdi öz rəbbinə.
Insanlıq daimi şahid
yaradanın səbrinə,
Ikinci də qız oldu adın
qoydu Səbinə.
Elələri tapıldı ona darıxma
dedi,
Bu dəfə oğlan olar, hətta
təsəlli verdi.
Üçüncü də qız oldu, həm
gözəl, həm nuranə.
Allaha min şükür edib, adın
qoydu Aynurə.
Ananın imam kökü qızlara
qıldı pəyan,
Atanın güclü əli onlara
oldu həyan.
Üç tər çiçək, oğul qeyrətli
bu gözəl qızlar,
Böyüdükcə doğurdu daha
böyük arzular.
Təbib olmaq həvəsi, qəlblər
istəklə dolu,
Qızlara nəsib oldu atanın
sənət yolu,
Həkimliyə məhəbbət,
insanlara mərhəmət,
Bu gözəl bacılara gətirdi
böyük şöhrət.
Qızlar içrə Nigarın
birincilik yeri var,
Ona elçi göndərdi Elçin
kimi igid yar.
Anası Nisə xanım, bir də
atası Eldar:
-
Elnarə üçün bacı, bizimçün gəlin Nigar.
Təmtaraqlı toy oldu,
allahın qismətilə,
Yeni ailə quruldu, azəri
ismətilə.
Kamal sevinc içində yeni
arzuya düşdü,
Baba olmaq həsrəti onu
yaman üşütdü.
Arzusu açdı çiçək, günəş
nurə boyandı,
Ilk nəvə oğlan oldu, qəlbi
atəşlə yandı.
Sağlamlığı yerində,
gözəllikdə gülcamal,
Hamının istəyilə adı
qoyuldu – Kamal.
Ilk oğul, ilk nəvə,
ürəyinin parçası,
Həyatının mənası, bu nəslin
davamçısı.
Dünya kiçik göründü,
yerə-göyə sığmadı.
Həyatında ilk dəfə
sevincindən ağladı.
Gecələri yatmadı, hamı
kənar dayansın,
Dedi: - Gərək mən çəkəm
onun bütün qayğısın.
"Malış”, pampers,
nanəcövhər, hamısı öz yerində,
Iyul çox isti keçir, uşaq
yatsın sərində.
Məsləhətin sayı yox, hər
saatı zəng edir,
"Kişi”nin böyüməsi niyə
belə ləng gedir?
Qırx gün tamam olmamış
qohum-qardaş küssə də,
O, heç kimə demədən kədər,
sevinc, qüssədə
Həyatında ən çətin
əməliyyat keçirtdi,
Kişilik "sənəd”iylə ilk
şərbəti içirtdi.
Bir yaşı tamam olur bu gün
nübar Kamalın,
Baba-nənələr xoşbəxt,
nəvənizdən kam alın.
Yeyib-içib şənlənib, biz də
dua edək ki,
Allahı ona versin dahilərin
kamalın.
Böyüyüb başa çatar, uğru
böyük Kamalın,
Xoşbəxtliyin qabaqda –
Bəşir baba rəmmalın.
Bibisi, xalaları qız
seçməyə tələsin!
Evləndirmək vaxtıdır, güzgü
alın, şam alın.
Bu da böyük bir arzu, gəlin
uzağa gedək,
Sanki o gün çatıbdır, deyək
toyun mübarək!
Kamal-Eldar babası,
Tahirə-Nisəxanım,
Bu kişi nəvənizdən gözəl
nəticə görək!
İyul, 1999.
|