Səbrlər çatmadı gözləyək Sizi,

Univermaq "Moskva” gözləyir bizi.

Demə ki, Amalya vəfasız qızdı,

Zorla apardılar, söyləyim düzü.

Dedim: - Nigaranam qəti getmirəm,

Dedilər: - Böyüyə hörmət etmirəm.

Dedim: - Nə istəsəm dayım alacaq,

Dedilər: - O qalıb pambıq yığacaq.

Az qala gözümdən yaş da süzülə,

Sən gələn yollara güllər düzülə.

Ürəklər daş olub, yaman bərkiyib,

Fikrim çatdırım hansı söz ilə.

Deyirəm dayıma bir tay tapılmaz,

Onun ürəyinə heç ürək çatmaz.

Gəlib əvəz çıxar, onda görərsiz,

Borclunun borcluda heç nəyi batmaz.

Bakını gəzərəm, dedim doyunca,

Titrədim soyuqdan yollar boyunca.

Gördüyüm mağaza, dükanlar oldu,

Pilləkan "yeridi”, qorxdum yamanca.