Gecə yarı, tutqun səma,

Yuxum uçmuş asimana.

Ürəyimdə kəskin ağrı,

Seyr edirəm qaranlığı.

Üzərimə yağış yağır,

Qəmim kimi daşdan ağır.

Təbiətdir həmsöhbətim,

İldırımın çaxmasından

Axıb gəlir məhəbbətim.

Körpələrin gülüşündən

      Uçub gəlir səadətim,

Sual edir, dərdin nədir?

Qəribədir?

Sorğu edən dərdlərimdir.

Yardırmaqçın

Zəbanına tutub çəkir.

Varlığında gizləndiyim

Ürəyimsə əzab çəkir.

Düşünürəm,

Təbiətin təzadlığı

Nəyə görə

Əsir etsin azadlığı?!

Təzadlığın pəncəsində

çırpınırıq,

Ülvi olan məhəbbətdən

alçalırıq,

Öyrədirlər: Günəşə bax...

zülməti gör!

Məhəbbətdə zilləti gör,

Zülməti gör!

                                           

        1971