Həyacan gördüm görüşəndə, titrəşən sözlərində,

Yaş gördüm ayrılanda, pərişan gözlərində,

Mənə "darıxma” dedin, amma özün darıxdın,

Titrədi dodaqların, bir azca da karıxdın.

Çıxacaqsan əvəzini, nə vaxt qayıdacaqsan dedin,

Sonsuz vida dənizinə bunu səfərmi bildin?

Bu yolun yolçusuyam, dözəcəyəm şərəflə,

Yadında yaxşı saxla, bu səfərdən zəfərlə

Canlılar aləmində qayıdanı olmamış,

Əbədiyyət adlanan otaqları dolmamış.

Darıxma! Şənbə çıxacağam, bu yer üzünün,

Daşlarda xatirəyə dönən vida dənizinin

Ad, soy, tarix yazılan gəmisinə minməmiş,

Sizi qucacağam son mənzilə yola düşməmiş.

                                                                         Xəstəxana, 1973