Eşqimi  gözləyərəm  köksümün  baxçasında,

Qonacaqdır  gül  üstə  mələklər  qanadında.

Anama  gəl  gəlin  ol, gözlərimdə  bir  atəş

Gözlərimin  şəfəqi  qızaran  yanağında.

 

Sevinc – kədər  çaları  sıxılmış  dodağında,

Dodaqla  dil  qapalı, kilit  var  arasında.

Cavabı  al  yanağı, bir  də  gülən  gözüdü,

Sanki  uçan   bir  quşam, arzular  sorağında.

 

Gülün  bülbülə  eşqi  titrəyən  saçağında,

Bülbülünsə  naləsi  İlahə  qucağında.

Üzündəki  təbəssüm, gözündəki  qığılcım,

İçimdə  arzularım, həyatım  dodağında.