Qanad çalan, zərif uçan,

Hər zərrəsi işıq saçan.

Külək qovub məndən qaçan,

Ağ buluda bənzərin var.

                        

Şahin olub ovun çalan,

Baxışların canım alan.

Gah boşalan, gah da dolan

Mənə aşiq gözlərin var.

 

Sevinc verib, oda salan,

Layla çalan, yadda qalan.

Musiqitək qəlbə axan

Ruhu oxşar sözlərin var.

 

Səni sevən, əzizləyən,

Hər dərdinə inan, dözən.

Sən Bəşirin ürəyisən,

Hər telində izlərin var.

 

                                     1980.