Baxıram insanlara qocalarım gülməyir Üzləri donmuş heykəl, dindirməsən dinməyir Kim bilir ürəyində neçə silinməz yara Gözləri qəm içində, yaş süzülür silməyir
Qırışlarda min kədər . bükülmüşdür belləri Sözləri baxışında , kildlənib dilləri Pikassonun duşünən , ağlayan tablosutək Qəzəbi yumruğunda açılmayır əlləri
İtirib gələcəyin ancaq keçmişə bağlı Unudulmaq qorxusu , qəlbi çar – çarpaz dağlı Zamanın sınağında , qaranlıq dünyasında Simurq quşun axtarır . Məlikməmməd nağılı
Talehə bax İlahi! Verdiyini alırsan Çağlayan şəlaləni qayalara çalırsan Yerə - göyə sığmayan cavanlığı bir anda Sakit gölə çevirib keçmişini danırsan 2003
|