Övlad eşqi, eşqdən doğan həyatdı,

Oğul balam ucalığa boy atdı.

Bu həyatda vüsalına çatmamış

Əcəl niyə xoşbəxtliyə tor atdı?!

Qadir allah varlıqları yaratdı,

Dünyamızı min çalara boyatdı.

Bağban kimi çürüklərə dəyməyib,

Meyvələrin yaxşısına əl atdı.

Əcəl daşın niyə belə çaş atdı?

Yanan oda tər balamı yaş atdı.

Məhəbbətin bəhrəsini görməmiş,

Qranitdən heykəlində yaşatdı.

Həyata bax, çıraq yanır, gün batdı,

Yadigarın qara baxtı oyatdı.

Gül ətrini nübarından alırıq,

Tər çiçəyin gözəlləşib boy atdı.