İlahi! Sən  görürsənki  yaxşıyam

Demirəmki  hamıdan  mən  yaxşıyam

Çiynimdəki  mələklərin  yazdığı

Axirətdə  baş  daşının  naxşıyam

Günahımla  çoxundan  çox  yaxşıyam

Gəncliyimdə  qönçələrə  baxmışam

Sel – sulara  qoşularaq  axmışam

Bir  baxışdan  şimşək  kimi  çaxmışam

Gözəllərin  göz  yaşının  naxşıyam

Günahımla  çoxundan  çox  yaxşıyam

İyləyərək  tər  çiçək  də  atmışam

İstəyimə  istəmədən  çatmışam

Günəş  olub  dumanlarda  batmışam

Gözəllərin  gənc  yaşının  naxşıyam

Günahımla  çoxundan  çox  yaxşıyam

Elə  olub  həqiqəti  danmışam

Yalan  sözü  günahsızlıq  sanmışam

Eşq  odunun  alovunda  yanmışam

Gözəllərin  daş – qaşının  naxşıyam

Günahımla  çoxundan  çox  yaxşıyam

Ömür  yolun  yaddaşıma  salmışam

Tənhalıqda  min  xəyala  dalmışam

Öz  içimdə  keçmişimlə  qalmışam

Gözəllərin  sirr  daşının  naxşıyam

Günahımla  çoxundan  çox  yaxşıyam

                                                            2003