Həyat – bir insan ömrü,

Pay olur bu dünya kimi

Kürəmiz qitələrə,

qitələr ölkələrə bölünür,

İnsan ömrü yuxuya,

nəşəyə, düşüncəyə dönür.

Dünya dörd varlıqdan yaranıb

Od, su, hava, torpaq...

İstisi, ölçüsü, həcmi, çəkisi...

Həyat: ––

Onlardan pay alıb varlığını

Eşqi, hissi, kədəri, sevinci.

Dünya! –– Bilinməyir nə yaşı,

Nə də ulduzlarının sayı.

İnsan! Dünyanın bir anı.

Ancaq yaşadır özündə dünyanı.

Dünya mənəm!

Dünya mənim özümdədir, deyir

Bilə-bilə, dünyanın ağır yükünü

götürür üzərinə.

Dünya, deyə-gülə

insan ömrünü yeyir,

Qaytarır özünü-özünə.

                                            1971.