Ey Təbrizli qan qardaşım,

Axıtdığın bu göz yaşın

Azdır bizim bu dünyada,

Babəkləri bir sal yada...

 

Top dağıtmaz igidləri

Nəbiləri, Azərləri

Bir cərgəyə düzlə Kərim,

Gec olacaq "xuda-Kərim”.

 

Mən bilirəm, bir gün gələr,

Azadlığın üzü gülər.

"Bakı-Təbriz” qatarilə

Bəşir birbaş sizə gələr.

 

Gəzim güney diyarını,

Görüm böyük Şəhriyarı,

Sevincimə şərik edim

Sizin kimi dostu-yarı!

 

                                         1980