Yad elində türk insanlar,
Bu ölkədə məhkumdurlar.
Bir zamanlar türkə əsir,
Hakim olub bu gün bolqar.
Türk oğludur Qədir İlyas,
Duyğuları çiçəkli yaz.
Məhəbbəti fəryad edən,
Ruhu oxşar oynaq bir saz.
O, dostluğa körpü salan,
Məhəbbətdən ilham alan.
Səadət, Yücəl, Səmrasilə,
Bir nağıldır yadda qalan.
Nə şirindir qardaş, dilin,
Aynasıdır şən qəlbinin.
Ruhumuza qida verir
Oxuduğun türkülərin...
Pəhləvandır oğlun Yücəl,
Oynaq qızın Səmra dəcəl.
Görüşünə bir də gəlləm,
Aman versə mənə əcəl.