Göyçəni gəl sən unut, Vətən demə o yurda,

Xan kəndini bu gün tut, Vətən söylə bu yurda.

Eşqinə saz çaldığın o dumanlı dağlarda

Neçə körpən qırıldı qayalarda, buz-qarda.

Düşmənə can deyənə, yurda Vətən deyilməz,

Vətən polad qılıncdır, sınarsa da əyilməz.

Gecə-gündüz çalışıb yaratdığın nemətin

Süfrələri bəzədi, bilinmədi qiymətin!

Kirvənə qardaş dedin, səni daşa qaladı,

Gül bilib bəslədiyin əllərini daladı.