Yubleyinə  az  qalır, atamın  ağ  çiçəyi

Altı  övlad  içində  sonbeşiyi, kiçiyi

Xeyir – dua  Allahdan  uçub  düşdün  uzağa

Sevildin, əziz  oldun  gözəllərin  göyçəyi

Yadındamı?!  Qonşudan aldığınçın  qorğanı

"Pırpızlı  qız” sözündən  döydüm  səni , oğlanı

Böyüdün  birdən – birə  gözəlləşib  boy  atdın

Qismətinə  yetirdi  dostumuz  Xanoğlanı

Ağsaqqallar  sözülə  quruldu  möhkəm  ailə

İlk  övlad  qızın  oldu  adı  qoyuldu  Şəhla

Kamalına  söz  olmaz,  gözəlliyi  bənzərsiz

Sanki   bəhsə  giribdir  Günəş  ilə  Ay  ilə

Ardınca  Fərhad  oldu,  igidlikdə  bir  Fərhad

Onunla  arzuların  ucaldı  açdı  qanqad

Əsgəri  xidmətilə  səni  şairə  etdi

Şeirlərin  oğluntək  çıxartdı  möhkəmcə  ad

Seymur  zəhmət  simvolu, Sənubər  çox  mehriban

Amalyaya  şirinlik  vermiş  böyük  Yaradan

Nüşabə , Nigar  gəlin, bəzəyin  nəvələrin

Xoşbəxtliyə  çatasan, Allah  verdiyi  paydan