Ağcaqayın hörükləri yanağıma toxunur Siyah - bəyaz vəhdətindən gözəl xalı toxunur Gündüzü adında gecəsi talehsiz insantək Biri naxışından digəri baxışından oxunur
Bəxtəvər deyə-deyə bəhs etdilər yaşından Kim bilir nə bəlalar kecib dərdli başından Sinəsində açılan yaranın ağrısından Uf demədən içdilər süzülən göz yaşından
Saçağından süzülən günəş şüasında Rəqs edən yarpağı təfəkkür dünyasında Əsən küləyi , çırpınan ürəyi görürəm Cansızı canlı edən İlahi dühasında
Yarpağı ürəyə bənzəyir titrəyir-əsir Qopmağı sonsuzluğu kökünə olub əsir Sanki sevimli yarım mənə şeir yaz deyir Baxıb bu cüt gözələ ilhama gəldi Bəşir Truskavets, 2011
|